Serchhip Hmar veng, Baktawng leh Chhuanthar Tlangnuam te vawk hri ASF lenna Infected Area ah puang

by Editor

Tualchhung News

ZORAM TODAY| 24th June, 2024 (Mon): Serchhip District chhung Chhuanthar Tlangnuam, Baktawng khua leh Serchhip Hmar vengah tun hnai hian vawk a thi nual a. Heng vawk thi te hi African Swine Fever (ASF) vanga thi an ni tih finfiah a ni tawh a. Hetiang anih avang hian he hri a darh zel loh nan he hri len mekna hmun hi 'Infected Area' a puan a ni. Hemi hma hian Serchhip District a N.Vanlaiphai leh Keitum khua pawh Infected Area ah puan a lo ni tawh.

Chuvang chuan, Dr. H. Vanlalrawna, District A.H & Vety Officer Serchhip chuan, The Prevention & Control of Infectious and Contagious Disease in Animal Act 2009, Section 3 (b) in thuneihna a pek angin Chhuanthar Tlangnuam, Baktawng Khua leh Serchhip Hmar veng, Serchhip District te chu vawiin June ni 24, 2024 atanga thu leh awm hma chu vawk hri lenna hmun "Infected Area" a ni tih a puang.

Chhuanthar Tlangnuam, Baktawng khua leh Serchhip Hmar veng atanga vawk, vawksa leh vawksa tanga thil siam reng reng lakchhuah khap tlat a ni. Vawk thi reng reng paih mai lovin, chinai /Disinfectant nen thuk taka phum ngei tur a ni. Vawk talh leh vawksa zawrh khap that a ni. Vawk thi an awmin A.H & Vety Derpartment Official te hnenah hriattir vat thin tur a ni, tiin tarlan a ni.